Hum insaan hai..

Jaante hai zindagi aasaan nahin

Raahe lambi hai inme chalte kadam thak jaayenge

Andhere ghane hai

Aasha ke kiran dhoondte hosle dhagmagaa jaayenge

Mumkin hai jis manzil ki aas lekar chale woh nazron se door ho jaye

Girne par shayad humaare kadam na sambhal paaye

Hum insaan hai seene mein dil aur dil mein aas rakte hain.

Lekin yeh haalat bhi kam hai hamaare jazbe ko thodne ke liye

Woh jazba jo hume har baar yaad dilata hai ki hum jiye hai apni manzil paane ke liye

Lambe raahon se hum na thakenge

Ghane andheron se hum na darenge

Hume bas apni zindagi jeena hai aur hum jeeyenge.

Hum insaan hai seene mein dhadakta dil aur dil mein hosla rakte hain.

                                                        Hum kaanton ke beech phoolon ki tarah khilenge

                                                        Hazaaron ghamon ke peeche chupi us khushi ke liye hum jeeyenge.

                                                        Raah chalte thake logon ka sahara banenge

                                                        Hum haar kar jeetna seekenge.

                                                      Hum insaan hai seene main dhadakta dil aur dil mein insaaniyat rakte hain.